謝東閔撇女友另覓飯腳

剛度過35歲生日的謝東閔，《蘋果》日前在銅鑼灣見到他將座駕泊在路邊，車上只有自己一人，謝東閔在車上密密傾電話，大約過了半小時，他才走到附近的藥房買東西，不過連續入了三間藥房都是空手而回，最後在便利店才有收穫。

接着謝東閔再返回車上繼續等，最後過多差不多一小時，終於見到主角現身，原來謝東閔並非約了女友朱智賢而是一個男友人，他先為男友人睇位泊車，不過懶理是否違例泊車，泊好車後兩人再到附近一間上海菜館食晚飯。今年4月本報爆出謝東閔女友朱智賢偷食人夫黎振燁，朱智賢之後停工被雪，感情方面，雖然謝東閔一直聲稱兩人關係不變，但就甚少見到再在Ig放閃，或拍拖出席活動。