周中英冠心水全中，重心屈福特贏2:0，大細注主W同「讓球主客和」「主勝」都冇問題，之後冷冷地再中諾域治「讓和」，希望係呢個疫境下幫到大家。
今個周末繼續推介英冠，暫時前列形勢都好混亂，第1至第6位都係爭4分，不過唔少球隊都開始「追落後」，其中一支係卡迪夫城，卡城上季排第五，最慘升班附加賽輸畀富咸，冇得重返英超，今季季初受傷兵問題困擾，開局唔係太好，頭9場只贏過2場，不過踏入11月尾就開始脫胎換骨，不經不覺已經四連勝，升番上第九位，作客連贏兩支硬淨對手屈福特同史篤城，認真唔講得笑，由韋根加盟嘅前鋒基化摩亞勁「弗」，近4場波入4粒，中場又有質素唔錯嘅哈利威爾遜同埋凱列特，排名一定有得再上。
周六英冠頭場，卡城就主場鬥史雲斯，屬於威爾斯打吡，因為史雲斯排名高啲，所以盤口就開得幾平均，海外博彩公司平均值，主W就2.4倍，客W就2.7倍，開出平手盤卡城低水，不過以卡城近4場主場拎到3勝1負戰績，近5季主場對史雲斯亦拎到2勝2和1負，打吡戰唔想主場失威，呢個平手盤穩陣。
另一場推介，之前都講過打比郡，由朗尼做暫代領隊後，拎到1勝3和不敗戰績，護級開始有起色，周六主場鬥名大於實嘅史篤城，又係開平手盤，信主隊不敗走勢，平手要撐。
文：Goal進
截稿前馬會尚未開盤，盤口僅供參考，讀者記得留意足智彩網頁。
