早前逃亡海外的立法會前議員許智峯指自己及家人戶口全遭凍結，引起社會廣泛關注，擔心政府會用金融手段對付異見者，再揪起新一輪走資海外風潮，雖然特首林鄭月娥及警方不斷澄清，但有金融業人士笑言，相對於林鄭，「我啲客似乎更信『有前科』嘅許智峯」，他又指今次事件「殺傷力」或遠高於北京及港府想像，「穩持金融穩健，最重要係『信心』，今次令好多原本仲有少少信心嘅人同公司，亦對香港金融制度信心動搖」，影響絕對深遠。
該金融界人士指，若港府只是凍結許智峯個人戶口，「殺傷力」還不算大，「問題係連屋企人都凍埋，但到今日都拎唔出任何具體要凍佢家人戶口理據」，雖然警方、銀行否認，但正如他一名客戶說，「叫佢（林鄭）行出街問下人，有幾多人信佢個版本？我諗十個都冇一個」，他說不少有錢人早已將資產離岸，「原本一班唔係咁有錢嘅，對係咪搞離岸戶口仲十五十六，𠵱家都諗盡方法走錢，一係開個外國網上證券戶口，將錢轉走先，後生嗰啲買加密貨幣，總之得十萬八萬都走咗先」。
他又感嘆，要令香港金融中心得以穩持，「唔單係有賺錢機會，更重要係有信心，信心一動搖，幾有賺錢機會都好，原來個政府可以隨時凍結你、甚至家人嘅錢，幾賺錢都冇用」，他形容今次事件就如「水壩嘅裂痕」，「第日崩潰就係因呢條裂痕開始」。
季陶
周一及周五刊出