《全民造星》出身的MIRROR成員姜濤，昨日在尖沙嘴出席商場活動，吸引近百粉絲無視疫情到場一睹偶像，還站在摺凳上隔着圍板拍照。姜濤受訪時坦言有留意《全民造星III》，他睇好Manson外，也大讚MIRROR隊友邱士縉（Stanley）的女友Alina，姜濤還說：「花姐下令明年要有三大目標，其中係要操好身形，練到好似Stanley咁。」
姜濤早前在台灣拍ViuTV劇集《超感應學園》，上月中返港，完成隔離後即密密工作搵真銀，他稱感激疫市下仍有工作機會，有空也會增值自己：「會學唱歌跳舞，生活好冇趣，哈哈！」何不找個女朋友陪過聖誕便有趣？姜濤笑說：「冇諗過，公司冇限制拍拖，只係話自己做嘅事自己負責。」姜媽媽之前叫他找個台灣女友，他說：「係呀！因為佢一直想移民台灣，其實台灣人我都鍾意，冇分男女，佢哋都好熱情，知道我喺香港嚟都特別照顧我！」他又直言在台灣冇女埋身：「台灣大把靚仔，自己去到嗰度根本唔係靚仔。」