新聞荒誕到一個點，眼睛開始像表演拋波波的魔術師，潛意識上下其手易字，無恥地苦中作樂。譬如讀武漢肺炎確診個案，明明列出患者「沒有病徴，沒有外遊」，那隻艇仔莫名其妙兜截不速之客，映入眼簾變成「沒有外遇」。又如遠在加拿大的高女士生日許願，聲淚俱下祭出「公義」，眼底竟自動換上「公廁」，奪主的喧賓大搖大擺食霸王餐：「今年，世界變得更糟糕，我不只擔心香港人找不到公廁，我甚至擔心這個世界原本擁有公廁的地方，也將失去公廁。所以，今年我的生日願望是『願世界有公廁』」。別怪我惡搞，弗洛伊德會告訴你，這種因焦慮產生的slip有根有據，所謂公義之不存，公廁將焉附，太平盛世時方便公眾大鳴大放的場地左近梗有一間，其實唔係奉旨㗎，昔日身在福中不懂得珍惜，現在知厲害了吧，嗚嗚嗚。
更多時候不是我看錯，只是不敢相信自己的眼睛。例子一：警隊PK蛇上電視，不點名批評流亡海外的某君「沒有良心」，說他「對唔住佢自己，對唔住佢家人……佢真係應該感到羞恥」，簡直令人無言以對。良心值幾錢一斤，阿sir本人最清楚，忽然爬上道德高地指手劃腳，不嫌太矯情嗎？例子二：市長好姊妹出席電台節目，力稱香港相關機構有權凍結市民資產，又話美國佬都咁做，閨密就因為被制裁而銀行冇戶口，政府逼不得已用真金白銀出糧，「林太搞到成屋都係現金喎，一個月收幾廿萬現金喎，仲嚴苛過我哋多多聲」——喂唔係嗄哇，話晒都一場姊妹，家陣人哋一身蟻，你仲風涼水冷玩高級黑？