【本報訊】「便宜咗佢，一條人命，再加上我真係活死人咁，半死不活，佢只係判三年半，我真係覺得便宜咗佢。」DR醫學美容案受害人之一王靜波得悉判決後這樣回應。DR事故導致王靜波終身傷殘，事發後要截去一雙小腿及四隻手指，雙腿裝上義肢，要坐輪椅，今年10月坐輪椅的她，亦曾在麥允齡案中出庭作供。
事故至今已八年，王生活無法回復正常，被迫放棄小學教師工作，要別人照顧，無法工作下已耗盡畢生積蓄，只能依靠政府傷殘津貼過活。「我成個人生都變晒，我遭受嘅一切，都係因為佢哋嘅所作所為，改變咗我嘅人生」。
王靜波表示，對判決有點失望，認為判刑不能反映麥允齡的失德，「佢呢個醫生一啲責任心都冇，單單判佢三年半，太便宜佢」。麥允齡的判刑，對她來說絕非事件終結，因為事件中刑事部份處理後，可以進入民事索償程序。
「我𠵱家叫天不應，叫地不聞，八年嚟積蓄用盡，呢啲日子都係佢哋造成。」王靜波說，即使獲得賠償，只能令她生活過得容易一點，但失去的健康已無法挽回。