【本報訊】被告吳欣鍵狠心買刀，然後突然在巴士上狂插女友，他於聆訊中自辯自揭情史，剖白與女友之間的感情轇轕，自言「又唔係靚仔又唔係有錢」，每次拍拖均擔心遭女友離棄，尤其本案死者Annie長於中產家庭，條件非常好，遇上對方猶如「中咗六合彩頭獎」，但親手了斷對方的生命，同時也摧毀自己一生。
現年25歲的被告自言內向、不善社交，小學因與新移民同學熟絡而遭排擠；中學則因講鹹濕笑話而被取笑變態。他透露，讀大學時參與O camp「頭撼西瓜」遊戲，「大家輪流攞個頭去撼西瓜，撼到個西瓜爆開」，及後被診斷蛛網膜囊腫，「成日都嘔，瞓低又痛又嘔」，一度停學。
他自揭有四段戀情，形容女友是「唯一嘅人生意義」，自言「又唔係靚仔又唔係有錢」，很怕對方離開他，故不斷監視對方行蹤，包括使用Find My Friend程式監視女友，更要求對方安裝Snapchat，每小時傳送照片以證她身處何方，「一唔check就囉囉攣。」第三任女友形容他偏執、自卑，不尊重女性，經常認為女人是「雞」及「公廁」。
被告更自爆，因害怕遭取笑是處男不懂做愛而去召妓，卻誤以為感染愛滋而飽受壓力，不知如何面對往後人生，產生自殺念頭，最後雖證實虛驚一場，但遭損友騙去三萬元。
與Annie拍拖後不久，被告發現兩人背景差距甚遠，Annie外貌娟好，更上進、體貼、獨立，居於私樓，樓價過千萬，「阿爸退休唔使做，有幾百萬喺銀行買股票」；但他住公屋，屬低下階層，自言自信欠奉。而促致兩人分手的導火線是Annie欲參與天文學會O camp，他內心認為「天文學會啲男仔識觀星㗎嘛，去O camp咪會識到浪漫啲嘅男仔，之後咪會唔要我」，故大力反對，更要去女友帶他一同參與。
後來Annie不滿他未有依承諾刪除兩人的性愛片段，揚言分手，他即乘的士往對方寓所「箍煲」，他聲稱這是他案發當日最後的記憶，醒來時已身處東區醫院，對自己買刀、在巴士上狂插Annie的經過毫無印象。
辯方精神科專家何美怡認為，被告案發時患有嚴重抑鬱症、妄想型人格障礙，嚴重影響他的精神狀態和判斷力，但該說法最終不獲陪審團接納。