武漢肺炎爆發近一年，香港人早已習慣口罩不離身，再加埋有口罩令，唔戴就罰錢，相信好多市民知道正確佩戴口罩嘅方法。但作為領導政府抗疫問責官員、食物及衞生局局長陳肇始，噚日開記者會仲可以將口罩調底面反轉戴，自然引起網民譁然，狂踩搵個連口罩都戴錯嘅官領導抗疫，香港抗疫點會成功！仲諷刺佢「白癡戴口罩，反轉都唔知！」、「真係羞唔羞家㗎」。
噚日陳肇始將口罩反轉戴嘅片同相喺網上瘋傳，八方細看直播片段及照片，發現口罩上方的「CAM」及下方的「Made in Hong Kong」字樣均反轉；再翻查該款口罩的生產商網站，口罩向外一面的「CAM」及「Made in Hong Kong」字樣冇反轉，換言之陳肇始誤把口罩前後反轉戴。
網民狂踩到今時今日，連唔識字嘅長者，都識分口罩前面同後面點分，陳肇始作為局長竟然分別唔到！又有網民揶揄，777做到特首咪一樣唔識買廁紙、唔識用八達通，佢手下唔識戴口罩有幾奇！
陳肇始事後回應想補鑊，話記者會將近完結，佢已知悉口罩內外反轉戴，但基於衞生考慮同需要妥善處理用過嘅口罩，加上記者會快完結，所以冇即時換口罩，到離開記者會會場後已盡快妥善處理，但有網民即刻再笑佢，即係話由戴口罩開始，到差不多完記招前，佢都唔知自己戴錯口罩啦！
李八方