無綫藝人謝可逸早前被爆偷食失婚婦方潔盈（Jathy），及後爆出女方懷有第二胎時曾想「屈」前港姐陳庭欣有米男友楊振源（Benny）「食死貓」，事後陳庭欣指不知事件真偽。但近日有報道指陳庭欣因男友的桃色事件兼逼婚失敗而不開心，兩人更一度冷戰，陳庭欣頻頻約會舊愛翟威廉訴心聲。
陳庭欣與翟威廉昨日在將軍澳出席活動，二人明顯有備而來異口同聲地回應：「其實我哋成日一齊食飯，嗰晚係因為羅浩銘攞咗個台慶獎，佢咪請我哋食飯，飯局係佢搞。肯定係佢唔想畀錢，報料拎多500蚊當補貼！冇理由淨係影我哋兩個，明明全程有四個人。」翟威廉補充因限聚令餐廳早關門，最後一行人還買外賣轉場到他舖頭食，他又笑言已找羅浩銘晦氣。