上周叫大家食住「老馬效應」，中拿玻里輸巴塞，平注都叫唔使輸；周中繼續有歐聯，唔少出線生死戰，勝負難估，反而英冠開快車，有唔少搵食機會，屈福特之前已經喺呢度推介過，今次主場對住弱隊洛達咸，可以大炒，主W同「讓球主客和」「主勝」可以分大細注出擊。
英冠今季具備爭升班條件嘅球隊真係唔少，由榜首諾域治到第七位嘅屈福特（圖），都只係爭四分，1、2場戰果已經可以令排名大執位；屈仔人腳係唔錯，衰在班波唔夠穩定，大前仗贏完普雷斯頓4:1，近2場又只得1和1負，上仗主場都輸畀卡迪夫城。不過屈仔今季有樣好，之前兩場輸波之後，第二場波都可以反彈贏波，今次又主場出擊，體能回復快啲，反底在望。
洛達咸只排20位，仍然要搶分護級，不過近期認真頹，近5場只得1和4負，另外，8場作客只入6球。不過較為擔心嘅係，屈仔今季七場贏波，只有兩場大勝，小勝比率都高，參考海外莊家賠率，屈仔主W1.55倍（足智彩就1.44倍），可以大注主W，然後小注「讓球主客和」「主勝」。
榜首諾域治星期三就登場，對住近況都好差嘅諾定咸森林，呢場波諾域治拎三分冇問題，不過呢隊波今季九場贏波，竟然有八次係小勝，1:0仲開咗4次，刻意求冷，敲下「讓球主客和」「和局」。
文：Goal進
截稿前馬會尚未開盤，盤口僅供參考，讀者記得留意足智彩網頁。
