【本報訊】原任教中學通識及視藝科的黃Sir，因繪畫諷刺政權漫畫遭投訴，終不獲校方續約。黃Sir曾因憂慮人身安全掙扎放棄繪畫，最終成功另覓工作，公餘更出版插畫冊續諷刺時弊。黃Sir又為畫中「blue object」打格，將「自我審查」變成作品一部份，盼在僅餘空間自由畫下去。記者：陳紫晴
黃Sir自去年5月在網上發表政治漫畫，起初主要圍繞三隧分流等時事議題；至反修例抗爭爆發，諷刺政權警暴即成為題材，漫畫一夜間在網絡瘋傳。
惟黃Sir今年初遭匿名投訴後，在國安法生效前夕不獲校方續約。黃Sir是獨子，亦是家中經濟支柱，不獲續約令他憂慮，「可唔可以再喺教育界度做？甚或乎個人安全？會唔會有其他刑責？都好擔心」；黃Sir甚至出現情緒病徵兆，特別懼怕按門聲，「好驚突然打開門就話我犯咗咩法、網上散播咗啲不當言論喎。好擔心下一個就係我」。
黃Sir曾掙扎考慮關閉其Instagram名為vawongsir的賬號或放棄繪畫，但始終相信香港有人權及自由，惟會減少對國歌及國旗的二創作品，「我都有少少戴頭盔，擔心人身安全，但喺呢個規範下，都希望有自由繼續畫落去。」
「爆眼教師」楊子俊成立的山道出版社遂邀請黃Sir出版《假如讓我畫下去》插畫冊。新書畫作包括一幅早被網上瘋傳的漫畫，畫中寫有自由、民主、教育的門被「blue object」踢開。黃Sir指出版商及印刷商憂慮「出唔到街」，因此將計就計刻意將「blue object」打格；書中港人童年玩物，例如大富翁、天下太平等，則變成警察、藍白衣人與舉黃傘的黑衣人對戰。
過去數月教育界受到前所未有的打壓，黃Sir坦言老師均步步為營，與同事備課時甚至會互相「監督」，「究竟教中國霧霾會唔會引起同學不愛國嘅情緒？教年輕人參選立法會算唔算煽動港獨？」教育局日前宣佈改革通識科，黃Sir相信政府2012年已開始佈署，質疑是將國民教育科「換湯不換藥」。教育局紅線令教師無所適從，通識科要求學生多角度思考，至今卻背道而馳，「原來有啲嘢係唔討論得；答案只有一個嘅，何來多角度思考？」
至今有最少兩名教師被釘牌，黃Sir不禁慨嘆，「為咗滅聲，下一個係我都唔奇」。黃Sir指雖不能再做日校教師，亦會堅持教育這條路，或透過畫作教化大眾，「如果（日後）仲未危及到我生命同屋企人，我相信我都會畫落去。」
