潮牌I.T（999）宣佈以高溢價私有化，帶動股價昨日搶高逾四成。
開講有話，一不離二，市場資金已在尋找下一隻賣盤或私有化股份，現時市場上候選佳麗很多，不過總是有自身缺陷，例如佐丹奴（709），大股東周大福家族唔等錢使；鱷魚恤（122）大股東林建名據聞吊高來賣等，最終股價只是塘水滾塘魚。
唔想煲冇米粥的戰友，可以留意以下呢兩個冧巴——高偉電子（1415）及京投交通科技（1522）。
先講高偉電子，大家可能只記得佢係蘋果概念股，以及最愛派高息喪炒，最近股價屢創新高，炒嘅卻是賣盤概念。公司日前發通告指，控股股東Kwak正與獨立第三方展開討論洽售持股，以其持有45%股權計，倘交易落實，或會導致控權變動。
消息公佈後，股價繼續炒上，創出5年新高，短炒動力十足。
京投交通科技於上月中公佈，控股股東京投香港有意提出私有化，並已啟動關於邀請專業顧問參與可能私有化的招標流程。
雖然股價累積升幅不少，但與每股NAV約1.04元仍有一段距離，未來數日集團會發通告update進展，配合股價橫行多日，隨時又會借勢炒番轉。
唐牛