【本報訊】人大落閘規定「愛國者治港」，民主派議會之路看似走到盡頭。前路未明之際，公民黨譚文豪夥拍黨友、曾報名參選飲食界功能組別的林瑞華開茶餐廳，用行動顯示留港抗爭決心。譚怒斥應該要移民的是搞禍香港的特首林鄭月娥及高官，期望壯大黃色經濟圈，以內部經濟支持民主理念，也為港人僅餘自由下提供多一個選擇：「你話我天真又好，唔識諗又好，我冇理由咁快認輸」。
記者：陳嘉裕
在2016年當選九龍東立法會議員的譚文豪在餐廳試業首日接受本報專訪，形容今次「轉型」除可壯大黃圈，亦將實踐過往在立會倡議的政策和理念，如男士侍產假增至七天，落實14周產假、使用環保餐具等。譚稱：「透過呢間茶餐廳話畀大家知，我哋過去推嘅（政策）其實係做得到。」
由尊貴議員到開茶餐廳，譚文豪不認同是「降呢」，反問：「做議員係咪代表你冇咗個議席，就唔知（未來）做乜好呢？其實唔應該係咁㗎嘛，所以都想試吓唔同嘅範疇。」餐廳店名「一日三餐」，譚解釋想為港人預備一頓安樂茶飯：「希望入到嚟食餐安樂茶飯，好多香港人都係想咁啫。」另一老闆林瑞華指，當初選擇開茶餐廳，選址旺角也是希望接觸不同層面的人。
進軍飲食業的另一原因，志在壯大黃色經濟圈。譚文豪認為，要擴闊黃圈必須促進不同品牌合作，一日三餐除有自家主打食物外，早餐時段亦售賣「燒賣皇后」的燒賣，隨餐又可加配另一黃店「珈啡公義」的咖啡，未來也會與更多黃店合作，希望香港人在消費上暫時仍可自主時，以內部經濟支持民主理念。
知名黃店不時被政權打壓，林瑞華稱不會自稱為黃店，會以行動證明自己理念。譚文豪承認，若然政權有意針對，「有九萬個方法可以搞到你」，反問「係咪黃絲以後行出街就要低頭？唔係咁㗎嘛」，直言不怕被針對，「怕針對就唔應該做立法會議員㖭！」
訪問當日剛爆出民主黨許智峯流亡海外的消息，譚文豪稱，暫時未有離港打算，留低最大原因只為一啖氣，他略帶激動質問：「我唔忿氣一樣嘢，其實我哋冇做錯嘢，點解唔係做錯嘢嘅人走呢？點解係維護大家嘅制度、維護大家嘅價值嘅人走呢？點解唔係搞禍香港嘅人要離開？第一個最應該離開嘅人叫林鄭，佢應該自己返大灣區做區長，唔好搞香港。」
譚承認在目前時勢下，選擇留港投資在不少人眼中「好儍」，更預料未來有機會面對政治清算，甚至有入獄的準備，至於會否再參選立法會，譚說政府會否再押後選舉都是未知之數，暫未有決定；曾報名參選的林瑞華承認，當下想法與當初有變，但未考慮離開香港，亦會持續為業界發聲。
