踏入2020年最後一個月，港府針對抗爭者打壓不斷升級，手法層出不窮，同時疫情卻不斷升級。港府除了不斷吹風不排除會強制市民用「安心出行」、強制檢測外，就拿不出任何有效控疫方法。有政界人士指，政府所謂防疫措施根本是對市民、黃絲強硬，「對富豪、藍絲隻眼開隻眼閉」，長此下去只會拖垮香港，「到2021年，可能唔止黃絲反政府，連藍絲市民都反埋一份」。
該政界人士指，政府不斷收緊限聚措施，「市民、黃店有冇犯都嚇住先，一有事就要拉要鎖，但建制派幾十、幾百人搞街站又可以冇事」。他又以港大微生物學系講座教授袁國勇昨在電台所說為例，「中招」富豪或名人不願透露行蹤增抗疫難度，「換着一般市民，政府問佢接觸過邊幾個、去過乜地方又唔肯講，一早要拉要鎖！」
另一政界人士指，若政府只是拿限聚措施當作打壓反對者工具，「自己人就當無事、市民、黃店就嚴格執法，市民根本唔會服，亦唔會配合」。他指即使政府強制市民用「安心出行」、強制檢測、甚至小區封閉，「一樣無法保證清零，反對經濟做成更大打擊、甚至拖垮香港」。早前有屬開明建制的商界人士向他呻，指特首林鄭月娥根本拿不出有效抗疫、穩住經濟方法，「佢預言如果再係咁，明年農曆年前可能有大規模裁員同結業，到2021年，可能唔止黃絲反政府，連藍絲市民都反埋一份，睇下到時林鄭點收科」。
季陶
周一及周五刊出