【兩制蓋棺】
【本報訊】高等法院早前批評，投訴警察課及監警會未能有效處理對警方投訴，警務處長鄧炳強昨於訪問中，反對設獨立機制調查市民對警員投訴，聲稱對警員「唔公平」，又不點名指有傳媒「抹黑」令市民對警隊反感，但被問到為何警隊「澄清」後市民仍「誤解」，鄧即迴避正面回應，只說當中涉「好多深層次問題」。法律界斥鄧囂張跋扈破壞監警會僅餘的信任，稱只有設獨立投訴警員機制才能挽回巿民信心。
面對巿民以至高等法院都對現時處理投訴警方的機制存疑，鄧炳強接受無綫節目《講清講楚》訪問時死撐現行處理投訴警方機制行之有效，反問：「點解要打爛一個現有咁好嘅機制，去做一個唔知乜嘢嘅機制？」
當被多次追問另設獨立機制更好處理巿民對警方的投訴有何問題時，鄧多次迴避，其後又稱「唔係怕」，「只不過覺得呢個（獨立調查警方投訴）制度唔係最好，亦都可能會導致一啲唔公平嘅地方」。
鄧炳強聲言經過一年，警民關係已有改善，又將巿民對警隊的反感歸咎為外界抹黑，不點名指控某人持有的媒體很多時用「不實或者假嘅指控」針對警方，警方多次澄清並於過去一年向該報發信一百次，就「虛假、誤導性、煽動性」的報道表達不滿，但該媒體「一隻字都冇覆」。但當主持指該媒體已作回應，並已否認一些警方指控，反問：「其實警隊不停咁澄清，亦都不停有執法嘅行動，咁點解都會出現咁多你認為嘅『誤解』？」又要求鄧交代市民對警方的投訴數字。
鄧炳強此時即改口稱上述情況牽涉「好多深層次問題」，包括巿民對政府不滿等，並指警方在反修例事件至今共接獲600多宗投訴，六成完成調查並轉交監警會審核，當中四成已審理完結，部份警員被評定為「做得有唔啱嘅地方」。他推稱過去已就24宗個案訓斥警員，當中五宗要紀律覆檢，其中四人要面對紀律後果，「有啲訓斥，喺行為簿上面有啲紀錄」。
曾任警監會（監警會前身）副主席的公民黨資深大律師梁家傑批評，鄧炳強說法完全無道理，認為缺乏獨立調查力的監警會，如「肉隨砧板上」，「變成警務處長佢想畀（監警會）幾多料，你就有幾多料，根本係警察獨大，唔畀任何外邊嘅人獨立監察」。他又指，鄧再次將個人的囂張跋扈表露無遺，「佢除咗堅持警察自己人查自己之外，仲要搵啲包庇警方嘅人做監察角色，令監警會僅餘可以爭取公眾信任的基礎都破壞哂」。
對於鄧指獨立調查機制對警員不公，前監警會成員、港大法律學院首席講師張達明稱「我覺得係倒返轉」，指惟有增設一個真正公平、公正的調查投訴警方的獨立機制，才能長遠和整體上挽回巿民信心，「有一個公平、公正嘅調查機制，啲巿民先會服從嗰個決定，如果投訴唔成立，亦可以還返警方一個公道」。