【本報訊】滙豐對許智峯及其家人戶口「凍完解凍」，引來更大迴響，不少網民把矛頭由警方轉向滙豐銀行，呼籲今天集體「走資」，把本來存放在滙豐的資產轉移海外、離岸戶口、虛擬銀行，甚至轉換為Bitcoin等加密貨幣。
連登討論區的網民指責滙豐配合國安（警察）「搞許智峯」，認為今次開出先例，「原來香港銀行可以隨便凍結資產，唔係以為就咁解凍番戶口就可以當冇事發生啩？」揚言「存錢喺香港，不了」及「黃藍是政見，走資是常識」，甚至稱「解唔解凍都好，星期一全民都要走資去離岸戶口」。
經濟學家羅家聰表示，事件反映港人資產已經「冇乜保障」，以往執法機關要指令銀行，暫停或凍結某個嫌疑客戶資產，必須有合理懷疑理據，「𠵱家眾籌就當你有嘢」，等於「行街見人就拉」，當然眾籌可以涉及洗黑錢，但目前檢控理據未充足合理，亦已慣性先作行動。
滙豐作為本地最大銀行尚且如此，羅相信其他較細港資及大批中資銀行，亦同出一轍，而在港經營零售銀行「仲有guts」的外行亦所餘無幾。羅家聰預期，此舉會激化尚未走資移民的中產、不算草根但不想資產被突然封鎖、以至「呢一兩年好多上過街畀唔知幾多鏡頭影過嘅港人」，及其家人父母輩，再加速開立離岸戶口或透過其他行動，先行調離資金作保障。