16個寒暑就如此過去，行內常說體育記者四年一循環，本來他只打算當四年體記，去過世界盃、奧運、亞運、全運便心滿意足，結果他超額完成，足足在有線待上四個循環。也許明年他再也不能以記者身分赴東京替香港運動員打氣，但愛好運動的他也離不開體育圈：「我一早有心理準備，我自己又係個非常之鍾意運動嘅人啦，所以上年就考咗一個加拿大滑雪板教練執照，之前已經考定體適能同健身教練， 又因為好鍾意玩wakeboard（花式滑水）同wakesurfing（無繩滑水），所以都有一個船牌喺到嘅。做咗咁多年嘢，家陣我都想休息一吓，諗吓自己究竟有咩去向，有咩發展。」
電影《劫後重生》中，主角湯漢斯流落荒島，靠一個Wilson排球慰藉孤單心靈；有線大裁員那日，有人手抱紙皮箱離開，有人拖行李廂告別，陳漢威卻拿着籃球推門而出，他說本來相約舊同事打籃球，結果噩耗傳來，又攜同籃球返回公司接信，他自忖要執拾的物品太多，倒不如簡單輕裝離去，他笑說，「我想輕輕的來，輕輕的走， 實質上帶走個籃球係因為覺得嚟緊打波緊要啲，遲啲一定會好多時間打籃球。」豈料他離開個多小時後，政府隨即宣佈因應疫情嚴重，封閉所有球場。
果然是2020年的香港，沒有更壞，只有更壞，現實往往比人要能想像的更差。