邱美薇在無綫處境劇中飾演「賈名媛」成功入屋，惟早前不幸患上類風濕關節炎外，她的無綫前功夫新星男友陳志忠亦確診初期胃癌，要切除八分之七個胃保命。兩人日前接受《蘋果》專訪，陳志忠早前以微創手術切掉大半個胃，現在一日食六餐令胃部適應，他說：「雖然表面冇乜嘢，但裏面工程一樣咁大。」陳志忠完成手術後不久已恢復教小朋友功夫，而邱美薇則教演戲及面試技巧等，他坦言：「呢一年唔易過，暫時都係入不敷支，遲啲要做化療就要搵人頂住我個位，我係正面嘅！」
邱美薇坦言曾有朋友勸她跟陳志忠分手：「唔通因為一個病就分手咩！」其實兩人早已有計劃結婚生小朋友，但突如其來的惡疾，即打亂陣腳，而陳志忠早前已雪藏精子為未來做好準備，但可有擔心遺傳到下一代？陳志忠坦言有諮詢醫生意見，而邱美薇則說：「初初有擔心，但樂觀，我有信心我哋會冇事。」
