亞冠盃盤就真係難捉，好彩啲「大」都生性，如果平注買兩瓣變相唔使點輸，都算執番身彩。正路思維好似喺呢期亞冠盃行唔通，真係好似羅家英咁講：「好難捉摸呀！」但想繼續玩落去點捉路呢？一字記之曰：「大」！
橫濱水手同上海SP（上海上港）線已出，唔講呢2隊波2場比賽住，先講星期五尾場神戶勝利船對水原藍翼，始終關係到出線，重要啲。勝利船已經喺G組出線，呢場會出齊人腳定放畀水原就真係好難講。正常以對賽成績同埋對手級數，勝利船會放畀FC廣州晉級，始終FC廣州今屆賽事表現就認真差，教練簡拿華路帥印都危危乎。所以水原要贏兩球先可以出線，今場就真係靠自己。離開日本，勝利船亞冠盃幾場波表現唔錯，所以好睇勝利船用咩心態對待呢場波，盤路、勝負就唔畀，一個字，「大」！
星期五頭兩場H組最後一輪，上海上港同橫濱水手線已出，冇咩好講，名義上要爭首次名，但其實作用都唔大，16強又要抽過籤，博首名又唔係有主場之利，冇咩特別需要。上海上港就會鬥全北汽車，上海上場吞咗FC悉尼四蛋，認真冇面。今次對南韓仔一定要拎番啲面子，有得受讓仲着數，可靠過全北汽車，再補多個「大」。橫濱水手對FC悉尼，反而會留番啲人腳唞吓，不過咁，呢班波戰術都幾開放，連續兩場開「大」，FC悉尼又冇乜束縛，大家鬥攻，「大」都照追，唔使諗！
文：黃耀富
截稿前馬會尚未開盤，盤口僅供參考，讀者記得留意足智彩網頁。