【本報訊】記者辭職困難，留下亦不容易。有留下的有線電視員工坦言，前日經歷戰友被裁，新聞部士氣愁雲慘霧，人心惶惶，相信現時絕大部份留低的員工在經濟不景下，各有包袱，只求「騎牛搵馬」，「已經唔係為守住啲乜嘢」。他相信，當辭職同事兩、三個月後離職，若屆時高層逼前線做有違良心或「舐共」的事，將會有第二波的離職潮。
該員工透露，「換血一定會，會換晒或者升佢（高層）信得過嘅人」，再看新人「頂到幾多」，以及留下的員工能否接受，「好似TVB咁嘅，或者違背良心、舐共，同事未必會接受」，或再有一批員工辭職。他又感嘆新聞台的轉變來得太快，對觀眾集體「cut有線」最為難受，卻很理解，希望高層看得到觀眾的表態，考慮未來的管理手法。四位高層昨仍留守自己辦公室，未解釋人事變動原因。
任職有線港聞記者三年的阿Z（化名）前日與同事們排隊入房向許方輝遞辭職信，但對方態度輕佻，「我哋行入去，話想遞辭職信，逐個排隊畀佢，佢就笑笑口講咗句：『今次又有幾多張呀？』，係用『張』嚟形容，唔係幾多個人」。
阿Z亦引述其他辭職同事指︰「佢會話『得㗎喇，你做咗呢個動作就得』，即係當你做戲，你點都要做啲嘢去回應我哋炒人，咁當你做咗啦，做場大龍鳳，但其實唔係，大家都係好想離開。」
他又透露，有同事曾做過有關「12送中港人」家屬的訪問，許方輝卻指當中內容「煽情」，要求加入當事人所涉嫌的罪行、為何要潛逃等的資料，「我哋得三分鐘cast，佢就係想感受性嘅嘢少啲，你就會知佢係想點，佢都唔想啲古仔出」。