【本報訊】這個抗爭世代最初因反國民洗腦教育而凝聚，黃之鋒和林朗彥本身是中學同學創立學民思潮，黃之鋒邀請張秀賢加入，「宅女」周庭「自投羅網」，黃莉莉亦是見到學民招募義工，即刻填表入會。現為沙田區議員的鍾禮謙指，當年學民孕育出好多人，就算組織最後解散，今天香港民主運動路上仍見到不同「學民仔」的身位。
鍾禮謙較黃之鋒年長兩年，與Ivan則同齡，當年親睹兩人發言永遠一輪嘴，在「核心外圍」已深覺兩人好犀利，「嗰時佢哋已經講，反國教要砌好個論述，學校教論文教論點論據，邊忽有論述㗎？」
另一磨練是內部管理，十多歲中學生對會章、會規逐字雕琢，及後學民有義工不滿頂層成員主宰架構，組織更調節出「check and balance」機制，義工只要收集足夠聯署便可推翻成員決定，「我諗學民孕育出好多人，除咗政治諗法，孕育到一班對程序好執着嘅人，可能有啲人覺得好臃腫，但都係保護緊個機制。」這一代學民仔，現時在香港民主運動上隨處可見，有人搞工會、NGO、傳統政黨，「我𠵱家run議辦都同議助講，有嘢睇唔順眼要話我，精神都係源於學民。」
張秀賢亦指，今屆區議員中，跟他年紀相若一輩「會發現佢或多或少同學民有關係」；他以「白手興家」形容學民的出現，成員沒有人擁深厚背景，最終卻孕育不少人走出屬於個人的政治生涯，坦言非常難得，「做政治工作、政治家，好多本身有背景，甚至係世襲，但學民（嘅人）唔係。」
他分析，90後這輩抗爭世代，由於互聯網興起，加上對國民身份認同下降，在如此「時代背景」下令新舊世代交替，「開始有人會質疑啲被認為好普遍嘅價值，對中港融合提出疑問，搵錢係咪大晒先？學民就係呢個時代價值觀下嘅其中一個產物。」