周中命中小保加W，2.2倍都算唔錯，師傅教落條路未斷就要平注繼續追，今次繼續「老馬效應」，信巴塞隆拿同拿玻里都可以大勝，開讓球主客和「客勝」。
先講拿玻里，因為老馬效力時間比較長，成就亦較高；上星期老馬離開後，首場即時怒炒羅馬4粒，球員入波後亦有致敬動作，反映職球員對呢位球王嘅尊重。周日拿玻里意甲就作客克羅托內，其實今季拿玻里主場同作客水準都差不多，各贏3場，作客踢少一場，甚至可以講，作客勝率高過主場添，而且唯一輸波係疫情困擾人腳不整，申請延期賽會又冇理到，結果冇派兵下被判以0:3輸俾祖雲達斯，如果計真正比賽，作客3場都贏晒。雖然拿玻里周中要踢歐霸盃，不過一來出線機會好高，二來歐霸盃都習慣用二線兵，對戰力影響唔大，世界博彩公司平均值拿玻里W只得1.36倍，申算讓一球/球半，暫時未知足智彩開咩盤，不過對拿玻里有信心，讓球主客和揀「客勝」。
巴塞自老馬過身後已連贏兩場，入7粒而且冇失波，都算係重拾狀態。個人對巴塞教練朗奴高文冇咩好感，不過佢提拔後生仔係有一手， 柏迪、達斯呢啲00後，踢落真係唔錯，起碼後生仔肯跑肯拚，先可以為班大哥拉開空間。美斯周中歐聯就完全休息，以佢對奧沙辛拿射入靚波，向老馬致敬，今仗一樣唔會腳軟，以卡迪斯呢啲升班馬，自從大敗俾馬德里體育會，已經打窒度氣，通常呢啲情況有排沉，周六主場對巴塞，真係唔好彩，繼續讓球主客和「客勝」。
Goal進推介
星期六XX巴塞隆拿勝[-1]（x.x）
星期日XX拿玻里勝[-1]（X.X）
資料寶藏
1 克羅托內開季未嘗勝，主場4戰只得1和3負，只入2球是意甲主場入波最少球隊。