【本報訊】走到2020年末，這一代香港年輕人看不到希望，到法庭聽判刑、追囚車、探監變成他們生活之日常，前路早超越崎嶇級數。張秀賢不諱言，有想過離開政治圈子，「但原來係搣唔甩，諗去做嘅嘢最後都係會有關，本身就係因為有理想，想香港變好先投入。」
他由先行退出到學民解散，之鋒等人後來成立眾志，但最終亦因國安法解散，他說整個過程大家都「一直搵路」，「搵緊有咩路可以行落去，有人提嘅主張好似打開咗啲空間，但家陣政權封晒啦。」雖然如此卻仍未言放棄，「最重要係搵乜心態應對，我哋今日係極度弱勢一方，但要繼續搵空間，守到有轉機；如果政權真係認為管治咁有效就唔使咁壓落嚟；未來會有有條件反撲，模式可能唔同，我哋都要有志氣，繼續去搵多啲身位做嘢。」於是，他更落力希望透過社區工作，尋找不同可能。
黃莉莉亦坦言，自己不是永動機，八年以來總有氣餒、喘息時，傘運後2015年甚至沒參與政治，「好港豬咁每日返工搵錢。」惟無力感把她拖垮卻又把她點醒，「接受唔到自己乜都唔做」，最終明白回不去反國教前日子，卻令她更體會當年學民思潮「立於街頭，走進人群。改變始於足下」信念之意義，只要能一點點地改變他人，便是良事。她說身邊一位好友，便由從未參與示威，到自發參與多次大型遊行，「原來過咗咁多年，人仲係可以改變㗎，我只可以話，堅持，要堅持。」