自胞弟出事後，黎美言一直表現堅強。原來Winkie在2014年組合HotCha拆夥後患上情緒病，結果因打泰拳令她不藥而癒，她說：「組合散咗後忽然覺得自己又細粒身材又唔好，越嚟越冇信心，最危險嘅地步甚至有社交恐懼，出街怕俾冷氣機跌落嚟壓死，又躁狂，加上當時父母離婚，我足足匿喺屋企張被兩年。」她透露當時暴飲暴食又不沖涼，十足乞兒一樣，工作時扮作無事，但回家後卻狂喊，因此一度向公司推job，卻令公司以為她玩「反叛」。
幸好當時Winkie愛上閱讀及接觸打拳：「打拳係好正能量，透過汗水、揮拳及打沙包，每一下好正確發洩，但啲人以為好血腥、暴力同變態，女仔玩又會好大隻，但因我自己玩過知道點樣可以唔大隻，再加埋舞蹈就女性化同柔咗。我去創呢個事業，係因為泰拳將我喺情緒病勾（救）返出嚟。」Winkie曾試過一星期有六日在拳館、每日練足七個鐘，終戰勝情緒病，難怪她說：「我會打到80歲，我人生唔可以冇泰拳、跳舞、唱歌同演戲，我希望以生命影響生命。」