香港武肺疫情近日爆出第四波，確診人數大幅上升，政府前日再度收緊防疫措施，今日起除戲院停業外，演出場地亦禁止有現場觀眾；只作有限度開放，多場舞台劇及演唱會面對延期或取消的厄運。其中梁祖堯原定今天起共九場演出全數取消，劇團慘受重創，跟他合作無間的韋羅莎怒斥因有人自私才再令疫情爆發，矛頭直指跳舞群組。而劇界中流砥柱人物甄詠蓓亦指劇界出事率低，不忿炮轟政府漠視業界：「一刀切唔理你存活！」
因應武肺第四波疫情越趨嚴峻，政府前日下令今天起演出場地禁止有現場觀眾，只作適度開放如排練及網上演出，因此不少舞台劇及演唱會需要取消或延期。其中梁祖堯、卓韻芝及湯駿業主演的舞台劇《新聞小花的告白2白屋之夏》首當其衝，取消原定今日至下星期二（8日）在葵青劇院的演出，劇團有見及此昨日趁着限期前臨時加演一場日場，結果獲劇迷力撐全場爆滿。
梁祖堯的風車草劇團前日臨急宣佈《新2》昨日下午3時上演特別場，但觀眾要親身排隊購票，按照政府規定只可有75%觀眾入座，購票兩張以上的觀眾有機會被安排分開入座。雖然規限多多，但昨早7時已有觀眾排隊準備買票，最後全部門票售罄，梁祖堯在其個人fb留言：「香港人！我永遠愛你哋，我哋唔會放棄！」其實《新2》最先原定在今年3月首演，後來因疫情關係宣佈延期至今年8月，但因7月疫情爆出第三波，結果被迫再改期至上月底先上演五場，原定今日至下周二續演餘下九場的演出則被迫全數取消。
舞台劇演員及導演甄詠蓓近日創作一齣紀錄她上堂實況的電影《Bad Acting》，當中收錄了林嘉欣、林德信及楊詩敏等的演出片段，原定在後天有慈善首映，籌款幫助一眾有演藝夢想的年輕人，現同告取消，甄詠蓓昨向《蘋果》轟政府：「舞台劇界係辛苦，好多籌備緊甚至搞好，好似梁祖堯嘅要腰斬，真係好慘因已使咗好多錢。我哋業界真係好不滿，政府一刀切唔理你存活，又冇資助方針，因劇界好多係自由身工作，佢哋完全冇受惠，真係要節衣縮食。」她又指劇界根本出事率絕少，但卻被殃及池魚。另舞台劇演員韋羅莎前晚亦在fb出post怒轟有人自私累街坊：「我不會再叫劇場人撐住，因為這整年一直都撐緊！冇放棄過！冇鬆懈過！不斷的爆發都是因為一些自私、帶着掉以輕心、心存僥倖態度的人，為了一時的開心而導致的！」矛頭指向跳舞群組。
而羅敏莊和陳國邦昨日購票入場看《新2》時表示：「𠵱家有咩人係有嘢做㗎？個個都好得閒，其實係一個好手足無措嘅情況，佢哋都好辛苦，但好彩做得切今日加場，如果唔係都幾大鑊。見到好多人嚟支持佢哋，我覺得香港人好有人情味、好犀利。」組合MIRROR成員邱士縉與女友亦入場支持，兩人原本看尾場，他說：「係有啲無奈，好多人依靠舞台劇，或者同工種嘅演藝表演嚟為生。」邱士縉又指有粉絲決定不退票支持，他坦言感到很有愛。
另外，楊千嬅在本月23日開始在紅館舉行六場跨年演唱會，但暫未有一場爆滿，只有除夕夜最平及最貴的門票售罄，主辦單位前晚在fb表示會留意疫情再作決定，而民政事務局局長徐英偉昨日到商台受訪，被問千嬅個唱演出的機會如何？他坦言：「答你唔到住，都要睇個數字，當然唔單止楊千嬅，仲有Liza姐（汪明荃），今次爆發好明顯係唔守規矩嘅人。」汪明荃原定於本月11及12日在文化中心舉行的「汪明荃與香港中樂團2020」被迫取消，前晚她於將軍澳錄影時表示：「當然失望，因為綵排咗好耐，已經延期咗一次，但冇辦法啦！」雷有輝在西九的個人騷一改再改，原本改在本月19及20日演出，他昨以短訊回覆：「𠵱家仲未知，都有啲擔心。」另外CAllStar的梁釗峰在本月底亦有個人騷，門票前日開售：「買飛嘅人會顧慮多咗，不過都係嗰句，安全最緊要。」
簡小姐：知道有特別場，所以過嚟買，其實政府推出嘅防疫政策係有啲急，臨時臨急話要停就停，始終係人哋一番心機，所以知道加場，就過嚟支持吓。
湯先生：見到梁祖堯出post話有加場，特登趕過嚟，咁多次嘅疫情爆發，都唔係劇界做主因，舞台劇從來冇爆發過群組，所以有時政府政策係有啲問題。
