在介面與功能方面，MeWe亦與facebook十分相似，可以在個人頁面分享文字、相片或影片，同樣設有Timeline集中顯示朋友、專頁的帖文，用戶可以自由加入不同的群組，並在各群組專屬聊天室即時交流。但由於MeWe標榜無廣告，營運開支主要靠月費維持，因此要更大的儲存相片空間或是啟用自定義功能，就要成為付費會員，連原來在facebook免費提供的專頁服務，每個月就要1.99美元（約15.42港元）。雖然要收錢，但有人卻對此甘之如飴。
「用呢個價錢，買返自己嘅言論自由，係值得㗎囉。」今年創業成立海外速遞服務LHK Express及雜貨網店「日常Daily」的Tim，眼見facebook上的黃店不斷被打壓，認為有必要增設新渠道與顧客保持聯繫，成為首批在MeWe開設專頁的黃店之一，想不到單靠Hashtag，兩個專頁已分別吸引逾千人「追蹤（Follow）」，認為宣傳的效果較facebook更佳，「facebook你唔落廣告，你嘅hit rate係好低，我亦都唔想再畀佢賺」，而且平台以同路人為主，勝在同聲同氣，「作為一間黃店啦，都希望起到個帶頭作用」。
時事評論員、浸大政治及國際關係學系前助理教授黃偉國，2007年開始使用facebook，見證這間互聯網巨頭，由本來只是朋友間聯繫的工具，發展到今日能主宰大家生活。他指出，今時今日社交平台早已成為爭取政治話語權的戰場，政治人物如特朗普要營造親民形象，網絡打手、五毛等亦在此帶風向引導輿論，理解facebook或想盡企業責任篩走對公眾有害的訊息，但無論如何做都等同政治操作，「究竟領導層或者管理層，有冇能力或者有冇認知處理一啲咁複雜嘅社會狀況或者政治狀況？佢行嘅每一步，可能都令到某啲網民不滿，大家就會反應離場」。