2013年落選港姐周依婷（Phoebe）前日被《蘋果》獨家爆暗撻前主播「小飛俠」林燕玲老公葉浩文，昨日有讀者爆料，指葉浩文和Phoebe的舊愛X先生現時都在保險公司上班，並提供了Phoebe和X先生的合照，讀者說：「當時Phoebe都係做第三者，X先生本身有女朋友，佢為咗搶個男人，喺Ig高調放閃，成日扮柔弱，啲男人又好buy，佢屋企有錢，會主動同啲男仔講，屋企可以幫佢哋發展，拍拖後都會不停flirt其他男仔。」
讀者更指當日送Phoebe返紅山半島的白頭佬是其富爸爸：「佢仲有個細佬，爸爸做生意，係上市公司主席，諗住等佢結婚將生意交畀佢老公，因為佢細佬好細。」讀者還指Phoebe媽媽管得好嚴，故她傳出緋聞不敢告訴家人。昨日《蘋果》致電葉浩文，他扮開會立即掛線，而小飛俠則沒有回應，Phoebe昨日更沒上班避風頭。