歐聯D組賽事，利物浦主場迎戰阿積士，紅軍近期受傷兵問題困擾，特別是防守力及中場控制力下滑，幸前場火力得以維持；至於荷甲班霸阿積士近期亦入球停不了，今仗隨時會放手一搏，希望能複製阿特蘭大作客擊敗紅軍的佳績，「入球大細」[3/3.5球]捧「大」。（球賽編號：星期二32；now643、有線656及無綫myTV Super303台明日4:00am直播）
利物浦季初在歐聯信心十足，頭三輪場全勝兼一球不失，惟近期受傷兵困擾，上仗歐聯主場對阿特蘭大半力出擊，結果被對方「偷雞」成功贏波，加上上場英超被白禮頓完場前「搶劫」了兩分，錄得兩場不勝全隊上下谷到一肚氣，今仗肯定打醒十二分精神。雖然通天老倌占士米拿受傷，幸隊長佐敦軒達臣已康復勢復任正選，為前線提供彈藥，其中迪亞高祖達近期頻頻有「士哥」，配合「埃及文明」有力攻破客軍大門。
阿積士在荷甲場均攻入4.2球，踢慣進攻足球就算轉戰歐聯亦不會改變，上季歐聯分組賽作客另一支英超球隊車路士就曾踢成4:4平手，名副其實攻得又失得，面對尼高威廉斯、里斯威廉斯等小將料可取得甜頭，入球「大」可捧。
文：尊嘉
