上星期推介橫濱水手，係就係估中咗對家冇侯克，上海SP甚至連奥斯卡杜斯山度士都收起，侯克同教練彭利拿炒大鑊，唔單止後備都冇，連操練都唔見人，不過結果就唔好提，咁不利環境下，上海SP一樣贏水手2:1。不過咁，貼輸咗都幾欣賞彭利拿，有咁嘅膽量，要好嘅制度，先係管理好球隊嘅要求，治軍唔嚴又點令球隊贏到水手，所以今個星期繼續講呢兩隊波！
當然周中兩隊都對住唔同對手，上海SP就會對FC悉尼，層面上唔同晒，個人對抗性悉尼完全佔優，但就係因為咁就啱晒上海打反擊，仲要教練嘅方針，對球星零縱容，直頭投下神聖一票，又不過咁，「讓球」暫時讓一球，要上盤會唔會太多？答案唔會，悉尼出咗局㗎啦，上海一定贏搶首名，當然有心等走地，等上海W回番1.8咁上下，就可以出手，「入球大細」就算[2.5/3球]都可以「大」一大佢。
另一場橫濱水手，對住一隊未斷氣嘅全北汽車（圖），又真係窄窄地，全北就一定唔放棄，數字上水手和波就出線，相反全北一定要贏，最後一場望上海放一放水，加上水手對悉尼又唔生性嘅話，全北就會出線，東亞足球圈好得意，格食格，中食韓，韓食日，日食中，所以中國就點都唔想日本球隊出線，
文：黃耀富
截稿前馬會尚未開盤，盤口僅供參考，讀者記得留意足智彩網頁。