林曉峰（阿Lo）與前妻康子妮今年9月時承認離婚後各有發展，康子妮被爆跟保險上司兼大學同學陳逸汮（Garry）傳緋聞，阿Lo日前就被影到與新歡在金鐘撐枱腳，事後阿Lo雖然否認二人拍拖，但預告約會陸續會見到他們孖公仔外出。
讀者廖小姐日前透過「爆相爆片」，直擊上周一阿Lo與新歡於凌晨逛銅鑼灣，廖小姐說：「11月23號凌晨1點30分左右，我見到阿Lo同個女仔行老銅，佢哋係咁買凍肉同食物，似係準備買嘢返屋企玩煮飯仔，當時半夜，店裏唔多人，佢哋態度親暱，阿Lo負責拖住個籃，佢哋全程冇拖手，有講有笑。」從廖小姐提供的相片中，阿Lo當日的女伴打扮與上次影到的新歡近似，而阿Lo上周日曾在社交網分享與兒子行銅鑼灣的相片，原來阿Lo為了陪新歡一日行兩轉。
