偉大嘅阿根廷球王馬勒當拿離開咗，好多人都聚焦佢嘅足球事業，經典事跡當然86年世界盃上帝之手同1扭6，其實老馬收山後都教過好多年波，仲帶過阿根廷國家隊，成績就真係麻麻，始終都係靠佢嘅名氣同感染力，唔算有咩突出嘅戰術。
踢波同教波一樣好勁，例子真係唔多，好似告魯夫、施丹咁都算異數，朗尼會唔會下一位?觀望吓先，不過星期二個場英冠，朗尼做暫代領隊嘅打比郡，主場對高雲地利都真係捧過得。打比郡呢幾年真好積極爭升班，之前好似搵林柏特、高古明星級領隊，真係野心勃勃，宜家仲傳沙特王儲想買起打比郡，職球員就更加醒神。上場朗尼做代領隊第一場，雖然尾段失波，俾韋甘比逼和1:1，都叫做終止4連敗，拎一分都算有好開始，周二又主場出擊，對住近3場不敗嘅高雲地利，海外莊家開出盤口，打比郡W都只得2.12倍，仲要讓平/半，已經反映對主隊信心，以主隊人腳，好似卡森李察士、湯馬士羅倫斯，喺英冠都算超超哋，3分穩陣，上盤啦。
講起老馬逝世，呢幾日佢效力過嘅歐洲球隊，巴塞、拿玻里、西維爾都贏波，為老馬球員都打高幾班波，今次又點少得老馬成名球隊小保加；小保加周三自由盃就會作客巴西嘅國際體育會，兩大南美足球強國球隊交手，小保加更加唔輸得，唔諗咁多簡單要個客W。
Goal進推介
星期二XX打比郡（上）（X.X）
星期三XX小保加勝（X.X）
資料寶藏
1 高雲地利今季作客7戰只得2和5負，失12球是英冠作客失波第2多球隊