樂隊Dear Jane昨日在尖沙嘴舉行慈善音樂會，主音黃天翱（Tim）太太楊洛婷擔任司儀，開騷前她大叫老公加油，聽完第一首歌《不許你注定一人》後，即高呼：「好正呀！老公。」更不時歡呼助興，相當賣力為樂隊造勢。
Dear Jane於騷後接受訪問，Tim說：「見到有人有掌聲有反應，自信即刻返嚟，之前不知幾笠水，online show唱咗冇人話我聽好唔好。」而落力打氣的楊洛婷則說：「冇錢都做啦！為慈善又支持老公，同埋呢隊band係我最鍾意，今年冇乜機會睇佢哋做騷，有得參與已經好興奮，噚晚瞓唔着覺。」疫情下工作大減，問她這段期間有否和老公造人？楊洛婷笑說：「呢方面要問老公，要配合吓先，老公瞓梳化大半年，因為個女成日黐住我瞓。」