張達明和楊詩敏（蝦頭）昨日在油麻地出席演技工作坊，分享演戲心得。現場約有50人參與，張達明指自己是重病病人，所以要戴眼鏡和口罩防疫：「梗係驚啦，我唔係普通人，所以要避開，小心啲。」他坦言盡量少出街，就連朋友飯局亦要暫停，他說：「開會少於四人，我好想去跑步啦，睇吓發哥，人太多都唔搞，如果太遠又太斜，我就跑唔到，唔好阻到大家，但我同野豬跑都OK。」
張達明表示很多工作都受疫情影響：「我有太多計劃，編劇、舞台劇、電影，又想做吓騷，有套電影做男主角，喺中國，要隔離14日，呢啲就要hold住先，又有啲電影申請緊贊助，呢啲就唔會停，傾咗先，幾時拍就睇情況。」蝦頭於明年1月底將演出14場舞台喜劇《妓寨英雄宴》，她表示現時已開始排練，但會有幾個應變方案。