【本報訊】強制檢測法例生效多日，疫情未見回落，不過特首林鄭月娥已有計劃採用封鎖小區方式圍堵病毒。她昨在電台節目中透露，一旦有社區爆發，便會針對為該範圍進行強制檢測，但以港人不像大陸人般服從為由，不同意在全香港推行強制全民檢測。
林鄭稱，若某一個地方有小型爆發，政府可以鎖定該區進行全民檢測，即時派出採樣隊出該地方的市民作檢測，並由警隊封鎖該範圍，「做完晒陰性先畀走」。但她不同意進行全港逾700萬人的全民檢測，因為香港不能封關，全民檢測要視乎科學、效益、能力。
她解釋，強行用內地的抗疫手法只會帶來反效果：「喺呢個受咗咁大傷害嘅香港社會進行抗疫，係比好多地方困難，我有時同中央解釋，我真係冇辦法做到你嗰種，我又冇你嘅體制優勢，我又冇你嘅人民嗰種相對服從，如果強行用內地嘅方式套用於香港，不但不能取得希望見到嘅效果，可能會係反效果。」
政府正計劃指定個別酒店負責入境人士的檢疫工作，林鄭透露，進度已進入最後討論階段，屆時配合指定車輛，情況將是封閉式管理。