【本報訊】「兩個女問點解見唔到爸爸，淨係可以講爸爸去咗好遠嘅地方，上咗天堂準備定啲嘢畀我哋！」本月中33歲好爸爸黃志雄，駕電單車為家人購物，不幸於沙田遭懷疑衝燈寶馬私家車撞斃，一場車禍奪去兩女之父的性命，也毀了大好家庭。遺孀黃太昨向本報表示已走出哀傷，準備重新出發，更向亡夫承諾照顧好女兒及老爺奶奶。
過去18日，黃太形容有如「行屍走肉」，最難過是夜深時想起丈夫生前一點一滴，翻看手機內合照睹物思人，「每日都諗起爸爸（丈夫），同埋日日都唔知自己做緊咩，行屍走肉咁，有時會同囡囡睇吓啲相，同佢哋講掛住爸爸就望住天空，同爸爸傾偈」；訪問中她多次提到丈夫舊事都不禁流淚。
志雄生前最愛錫兩名五歲及七歲女兒，丈夫去世後，黃太不敢告知女兒爸爸的死訊，對女兒不停追問「爸爸去咗邊」，「淨係可以講爸爸去咗好遠嘅地方」。女兒年幼不懂追問，讓她可以避開這個問題。
志雄生前是家中經濟支柱，一直勤奮工作，但際遇普通，最少兩次轉行謀生。早年他在ifc一間電訊公司工作，其後在太子創業經營日式食肆，惜倒閉收場，再轉職電訊盈科工程部。黃太形容丈夫為人顧家，對他意外橫死一直未能釋懷。丈夫去世後，黃太辭去文員工作撐住頭家，坦言「壓力都大，始終冇咗爸爸份收入，暫時見步行步」，現時她靠朋友接濟，並忙於處理丈夫後事。
本月11日早上11時，黃志雄趁放假駕電單車駛經沙田鄉事會路十字路口，遭寶馬私家車猛撞倒地磨行數米，撞向鄰線的士重傷死亡。警方事後以涉嫌危險駕駛導致他人死亡拘捕寶馬司機。案中被捕司機事後暫准保釋，黃太直言事後曾怪責被捕司機，但其後想通，無論事件怎樣「爸爸（丈夫）都返唔到嚟」，只希望日後有公平審訊還丈夫公道。
蘋果日報慈善基金將派發兩萬元予志雄遺屬一家應急。
「志雄遺屬」暖流之友編號：C4752
網上捐款： http://bit.ly/applecharity
