幸福人妻都是有樣睇！郭可盈前日51歲生日，受到疫情影響壽星女簡單地跟老公林文龍及10歲囡囡林天若（Tania）一齊過，一家三口先嘆壽司，然後再在有維港夜景的餐廳切蛋糕，可盈和文龍則碰杯飲香檳，浪漫又溫馨。可盈昨日在Ig分享靚相，其左手無名指的鑽戒十分搶眼，她留言：「不論是簡單的、華麗的、浪漫的慶祝，其實最重要的是『有你們同在』！I Love You All！」
此外，王菀之與蘇卓航（Eric So）昨日結婚五周年，王菀之在帖文下留感想：「五年嘞，點解我喺婚禮上面食兩隻蟹鉗好似係啱啱發生咁嘅呢？ 我知，梗係因為，開心嘅時間感覺特別快。」她還祝福老公、父母及老爺奶奶身體健康。