上星期重心登地聯W搞掂，今個星期繼續主打蘇格蘭，不過蘇超冇開，讓路畀蘇聯盃；上星期都講過蘇超兩大豪門格流同些路迪，因為名牌效應讓得特別狠，反而可以搵啲中上游球隊，實力都算超班，賠率又唔會太乏味。今次主角就係喜伯年，蘇聯盃16強主場鬥登地，一樣可以炒得起，「讓球主客和」[-1]可以熱捧。
蘇聯盃賽制都幾得意，蘇超同低下級別球隊先踢輪分組賽，首名及4支分組賽最佳第2名晉身16強，喜伯年貴為蘇超第四位，只不過落後些路迪四分，對呢班對手綽綽有餘，最終四戰全勝首名出線。16強對手竟然咁搞笑，又對番同組以最佳第二名出線嘅登地，大家唔好撈亂登地同登地聯，登地只不過喺蘇冠中游，而且分組賽已經俾喜伯年數過，今次再作客，當然冇咩運行。睇番海外莊家賠率，喜伯年W只得1.26倍，亞洲盤就讓球半，既然對喜伯年有信心，「讓球主客和」唔理佢開[-1]定[-2]，都一樣要「主勝」。始終蘇超已經俾格流放離，二線球隊想攞威，一定要靠呢啲二線盃仔。
周中有另外一場波想講吓，就係挪超洛辛堡主場對白蘭恩，白蘭恩竟然爆大冷以3:2贏波，拎到護級重要三分，開出4.75倍客W同40倍波膽。挪超嚟到季尾，呢啲護級球隊發窮惡真係唔出奇，星期六有一場咁上下情況，13位史達要搶分護級，作客第七位嘅維京一啲都唔驚，客W有3.55倍，扒冷就要搵呢場。
文：Goal進
截稿前馬會尚未開盤，盤口僅供參考，讀者記得留意足智彩網頁。