【拗數7000萬】
【本報訊】影星周星馳跟舊愛于文鳳為了7,000多萬元對簿公堂，昨日他終作供完畢，暫時鬆一口氣。看到有影迷專程來法庭「捧場」，很久沒拍笑片的他也技癢露兩手。有男粉絲表示最愛《長江七號》，周一臉認真問：「《長江七號》第一句對白係咩？」曾兩度參選立法會的陳玉娥亦「亂入」問周「認唔認得我」，他一臉惘然，然後稱：「化咗灰都認得你啦！咪以為戴咗口罩，我就認你唔到！」直至被記者問到舊愛告上法庭有何感受時，曾自言跟于「連朋友都唔係」的周難掩不悅：「唉！唔好講呢啲嘢啦，問呢啲！」
一連三天在庭上接受盤問，周星馳最輕鬆的時間可能是他休庭期間跟記者及市民閒聊的空檔。昨天是其偶像李小龍生忌，周一臉認真說不知道。市民見周跟記者「吹水」即趨前圍觀，庭外即變成影迷會。男粉絲Bosco趁機擠上前索取簽名，但周未有動手，只表示「一陣先啦」。
小粉絲一再要求簽名，並遞上一張《西遊伏妖篇》戲票票尾和原子筆，周伸手裝着欲接，中途將手縮回，「都係等陣先」，原先笑瞇了眼的小粉絲即時神情僵硬。記者於是幫口，周最後動筆。得償所願的小粉絲一臉滿足，記者見他年紀輕輕，質疑他是否真影迷，星爺插口指「佢話小學（睇）喎」。
小粉絲自言最愛的其中一部電影是《長江七號》，記者建議即場考考他，周即認真問：「《長江七號》第一句對白係咩？」小影迷答不到，一臉尷尬，周搞笑謂：「咁攞返個簽名嚟！」記者問他：「你記得咩？」周亦語塞，跟記者笑作一團。
站在最外圍的陳玉娥亦把握機會，問周星馳：「認唔認得我？」周一臉惘然，陳表示：「你唔認得？嗰陣我未參選吖嘛！」周即時發揮搞笑本色：「化咗灰都認得你！咪以為戴咗口罩，我就認你唔到！」其間一名年長旁聽女士，忽然遞上一個獨立包裝的口罩，稱送給他使用。周指住自己的口罩問：「我呢個唔靚咩？」女士連忙解釋，指怕他全天作供，口罩受污染，讓他替換。
中途亦有一名內地女粉絲插口，以普通話稱很喜歡周星馳，專程到法庭看他。周未即時答話，問記者：「乜𠵱家通關喇咩？」女粉絲即用廣東話答，她因讀書關係，一直留在香港。
首天作供完畢後答應會派卡片給記者的周星馳，昨表示「遲啲先」，還說翌日還會來法庭。記者提醒翌日是周六，周不甘示弱：「唔畀我聽日嚟？」記者稱：「咁你咪嚟囉，睇吓你係咪真係嚟！」周不敵，忍不住笑了。
案件編號：HCA1584/12、1243/17