周六英超尾場有榜尾對決，西布朗主場鬥錫菲聯，兩支球隊今季同樣仍未開齋，論近況兩隊同樣欠佳，但西布朗今仗有主力因確診武漢肺炎缺陣，今仗平手盤撐錫菲聯拿下今季首勝。（球賽編號：星期六73；now621台明日4:00am直播）
西布朗上仗不敵曼聯，球隊的隊長兼中場積基李華摩亞和左閘基蘭基比斯因確診武肺無緣上陣，今仗要繼續隔離缺陣，對球隊中後場影響甚大。自西布朗助富咸今季開齋以0:2不敵對手，球隊已經三連敗，當中更是一球不入，足證球隊攻力啞火。
另一邊廂，錫菲聯近況同樣欠佳，今季9戰僅得1分，更正值四連敗。不過球隊上仗作客鬥韋斯咸表現不算太差，下半場更有前鋒奧利華麥貝尼射門中楣，無法搶回一分頗為不幸。球隊今季聯賽作客雖然暫時全敗，但近三場都能取得入球，對手更是車路士、利物浦和阿仙奴。加上，錫菲聯的死球能力不俗，高大中場辛達貝治和中堅艾根上季都經常有斬獲，今仗榜尾大戰在角球和罰球攻勢上或佔甜頭，撐錫菲聯開齋。
文：港生