【本報訊】素人盧德明去年區選出戰沙田水泉澳邨，以39票之差擊敗工聯會鄧家彪。他認為，在本地打選戰尚可憑地區工作、民主理念說服街坊支持，一旦容許跨境投票，則廢了武功，自己能否過關去大陸已成疑問，「我哋嘅單張、宣傳品，唔係咁輕易過關，我相信照顧國內『選民』有難度」。
水泉澳邨居民被外界標籤以新移民為主，盧德明認為，很多港人來自五湖四海，例如自己籍貫廣東順德，區內街坊最多是來自廣東或福建，亦有四川、安徽、上海等，很多人都明白香港社會發生甚麼事，是堅實支持民主自由，他勝選後，街坊自發「歡送」落敗的鄧家彪離開。
盧德明說，去年選情咬緊，最終僅勝39票，「差距係1%左右，係險勝」。一旦下屆容許跨境投票，肯定對民主派候選人不利，例如無法入境中國大陸，無法寄出文宣，而大陸監票制度公信力令人質疑，「我哋唔相信佢個監票能夠做到公開、公平、透明」。
他續指，民主派在跨境投票面臨逆境，但中共亦有風險，因為令民主投票傳到中國大陸，「可以令國內選民、佢嘅親戚知道，原來從政者喺香港可以鞭策政府，佢自然會反思，反而可以助長民主氣氛」。
24歲素人傅佳琳去年參選北角堡壘區，以59票之差擊敗建制候選人。她認為，香港打選戰已經很難，例如去年投票日有七人車接送選民投票，而投票的選民都是較生面口，「好似有一個人教佢哋，我哋投幾多號」。她憂慮，一旦准跨境投票，會助長種票，「我呢區有好多劏房，好容易做到種票。」
她續指，要將民主理念傳遞到長居大陸的港人不是一年半載可做到，更何況一些支持民主理念的傳單，在大陸派發隨時會被捕。
中大政治與行政學系高級講師蔡子強認同，要核實跨境投票的選民資格有難度，「可以出現一屋20伙都得，因為嗰啲人講明我住喺廣東，我唔係成日住喺（香港）呢度，你都冇得去挑戰」。