鍾舒祺和胞姊鍾舒漫(Sherman)感情好,Sherman早年跟吳浩康分手後似乎一直單身,但原來兩年前她曾跟MV導演林灝軒(Steve)低調拍拖,兩人早前更跟前港姐陳潔玲因合作投資而有金錢糾紛。《蘋果》昨日收到讀者爆料,提供一段疑似鍾舒祺跟友人的對話聲帶,當中她竟鬧爆Steve為人差勁,希望胞姊早日跟他分手。
聲帶中疑似鍾舒祺的女子不停爆粗發洩:「你諗吓連泳兒都知佢同Steve一齊,唔知點解佢會知,但泳兒唔係好X識阿Steve,唔知阿Sher(鍾舒漫)幾時可以離開佢呢?連Angela(許靖韻)都同Johnny Yim(音樂人嚴勵行)講快啲離開佢啦,但佢哋唔X識阿Steve㗎!」、「今日擺個point,係識Steve十個人,十個都係講佢壞話,咁呢個人係咪好X有問題呢?我就咁同Sher講啦,我心諗,冇人為佢辯護過任何一件事,有人話X你,有人喺我面前話X你,我會同嗰個人講佢唔X係咁囉,我會鬧X嗰個人,你咪X鬧X你,但冇一個人出嚟為Steve講過嘢。」
據Sherman身邊朋友透露鍾舒祺因覺得Steve欺騙其胞姊,因此一直很討厭他:「大家都覺得Steve唔係真心信教,只係借呢個名義埋教會堆再黐Sher。」鍾舒祺還多次向朋友呻因Steve搬入Sherman位於元朗的私人樓,鍾父母平日已不停作出遷就,更離譜的是鍾母要為Steve洗底褲,結果鍾父母受不了要搬去內地住。《蘋果》昨日致電鍾舒祺求證,她直認是聲帶中人:「你播得出嚟我認呀!但係好耐以前嘅事,我一早已同Steve修補好關係,大家一齊向前,到𠵱家Steve係一個好好嘅人,唔會傷害到我哋同家姐。」她稱聲帶已是年初的事,質疑陳潔玲為宣傳新店而做新聞。
鍾舒祺昨日更和Steve站在同一陣線,各自在社交網發炮斥陳潔玲,鍾舒祺指從陳潔玲男友中得知對方精神健康不穩定,並質疑陳潔玲跟胞姊等合作,但沒簽合約:「好明顯你們是全講信字生意啦,純粹信錯了你!」Steve則稱陳潔玲前日回覆《蘋果》的言論亦構成誹謗,他會交律師處理。陳潔玲昨日在Ig留言:「時間會說話。」