【本報訊】與于文鳳相戀13年，周星馳不諱言多次透過左右手開支票給女友，單據雖寫上顧問費、佣金等，但他強調，這些只是情侶之間基於愛的餽贈。對於女友索取股票買賣佣金、未出售物業的利潤分成等，這些超越口頭承諾的餽贈，周昨大方表示：「個女朋友話幫你賺咗啲錢，你分啲畀佢係禮物，我覺得好正常」；惟他同時強調于在其投資決策上角色非常有限。
根據周的得力助手Brenda Cheung的說法，于2007年曾要求她支付一筆過38萬元顧問費，「周生同意畀投資嘅純利潤10%」，當年她問准周後通知周的胞姊開支票。代表于文鳳的資深大狀袁國強問，對於于要求的10%佣金，周當年有何反應，周坦言：「我唔記得咗有咩反應。」
被問到付款前有否與于討論該筆款項性質，周反問：「呢個係乜嘢物業？」獲悉涉及皇后大道東的物業買賣後，周表示「唔係好記得清楚同佢有啲咩講法」。
同年，于自言替周買賣股票獲利71萬元，向他的胞姊要求索取7.1萬元佣金，周再次同意。袁質疑，這筆買賣股票的利潤分成，已超越兩人當年在露台談心、周所承諾的口頭餽贈的範疇，是基於股票而非物業買賣，問周為何批准付款。他坦言不記得細節，但謂「不過呢，我覺得如果你𠵱家問我，話個女朋友話幫你賺咗啲錢，你分啲畀佢係禮物，我覺得好正常」。
此外，于當年同時要求索取關於荊威廣場物業買賣佣金，即使物業未賣出，但由於于「需要錢」，周同意基於物業市價、即3,750萬元，預先支付126萬元利潤分成。袁再質疑，物業既未賣出，理應不符合賺錢後分成的餽贈承諾，為何周同意預先支付這筆錢。周解釋「如果我𠵱家睇返，你女朋友話『我等錢使呀』，咁你咪畀咗佢先囉」。物業2009年賣出後，周再支付餘下54萬元分成。
對於于提及，周曾提出送單車作聖誕禮物，但于改為要求物業投資利潤的10%分成，周肯定地說：「冇咁嘅對話。」惟他自言喜歡踩單車，不排除曾提及送單車。周並解釋，當年在露台談心時，主動提出10%利潤分成，目的是鼓勵于「勤力啲」，被問到是哪一方面的鼓勵，周舉例「譬如佢會陪我去睇，一路佢喺物業方面佢對我嘅支持囉」。周並謂：「咁佢陪我多啲，我覺得都係好嘅。」但在周眼中，于只是陪伴角色，在其投資決策上角色非常有限。