無綫繼早前在電視城舉行台慶節目，藝人在台上全部沒有戴口罩，不久就傳出當日在場的蕭正楠被列入緊密接觸者，205藝員要驗武肺。昨日無綫於電視城舉行《歡樂滿東華2020》記招，宣佈下周六舉行籌款騷。問到在此時舉行籌款騷會否覺得高危，會否擔心身邊的朋友曾去跳舞，東華三院主席文頴怡說：「我冇乜朋友係跳舞，我同所有人一樣，希望做好保護自己嘅防疫準備，聽政府呼籲，盡量保障自己同身邊人嘅安全。」而監製何小慧則表示：「今次開記者會都減少人數，唔影大合照，又分批上台，籌備各方面，入嚟嘅人都要探熱，登記晒啲名，唔希望喺度食嘢，保持社交距離。」
另外，黃智雯、馬國明及袁偉豪等昨日亦在電視城為劇集宣傳，其間藝人都有做足防疫措施，各藝人全程都有戴上口罩，同場剛新婚的袁偉豪大晒婚戒，更指會當老婆「小朋友咁湊」。