【33刀謀殺案】
【本報訊】年輕男土木工程師疑控制慾強兼妒忌心重，不滿升讀大學的女友參加O Camp兼提分手，在巴士狂插她33刀致死。工程師昨出庭自辯，自言「又唔係靚仔又唔係有錢」，但女友長於中產家庭，不但外貌娟好，更上進、體貼、獨立，形容遇上對方猶如「中咗六合彩頭獎」，欲與對方一生一世。
被告吳欣鍵（25歲）否認2017年9月16日，在柴灣一架118號城巴上謀殺20歲女友李倩姮。吳自言不善社交，小學因與新移民同學熟絡而遭排擠；中學則因講鹹濕笑話而被取笑變態。他透露，讀大學時參與O Camp「頭撼西瓜」遊戲，「大家輪流攞個頭去撼西瓜，撼到個西瓜爆開」，及後被診斷蛛網膜囊腫，「成日都嘔，瞓低又痛又嘔」，一度停學。
吳自揭共有四段戀情，形容女友是「唯一嘅人生意義」，很怕對方離開家貧又不靚仔的自己，不斷監視對方行蹤，「一唔check就囉囉攣」。他更自爆，因害怕遭取笑是處男不懂做愛而去召妓，「我自己唔識呢啲，驚俾女朋友笑」，卻誤以為感染愛滋而飽受壓力，不知如何面對往後人生，產生自殺念頭。
死者是吳第四任女友，認識兩周即發生性關係。吳指死者居於私樓，樓價過千萬，「阿爸退休唔使做，有幾百萬喺銀行買股票」；但他住公屋，屬低下階層，自言自信欠奉。吳經常以WhatsApp查詢死者行蹤，又用Find My Friend程式監視她，更要求死者安裝Snapchat，每小時傳送照片以證她身處何方。
吳並會藉接送「睇吓佢係咪真係返工返學」，若死者稱與朋友出街，或兩人爭吵至深夜，他更會到死者寓所樓下守候，看看「有冇男人送佢返屋企，睇吓會唔會約其他人出去。」聆訊今續。
案件編號：HCCC329/18