謝安琪近日被指與老闆麥浚龍（Juno）關係決裂，早前有人發現謝安琪社交賬戶突然不再關注Juno，已惹來種種猜測，昨日更有知情人士向《蘋果》爆料，透露謝安琪令Juno損失七位數字廣告代言收入。
知情者指今年初謝安琪曾獲廣告商邀請，以七位數字擔任纖體修身代言，無奈數月後身形仍未達標：「佢根本冇用到啲修身產品，仲要無啦啦搵個健身教練幫佢操肌。」此舉令品牌高層不滿，認為謝安琪未有履行合約，知情者說：「佢仲喺Ig出咗張同健身教練操肌嘅相，咁品牌角度會擔心，第時同佢拍修身廣告，啲客都覺得唔夠說服力，萬一變咗肌肉形就大件事，完全都唔係修身纖體嗰樣嘢。」
另外，廣告商要求謝安琪不時提供近照，追蹤她的減肥成效，但謝安琪遲遲未有履行。知情者說：「搞到9月諗住拍嗰陣，見到佢都係好肥，加埋疫情又唔想大家聚集，都諗住出年初先影。」不過，謝安琪一直不合作，最終令廣告泡湯。知情者忿忿不平說：「個大老闆好嬲，覺得成條marketing team都做唔到嘢，炒晒成班人，𠵱家個個都未搵到嘢做，咁嘅時勢真係好慘。」
謝安琪三年前加盟Juno的幻國旗下後，雙方關係不俗，直至近日與Juno合作的專輯《the album》來到最終章，關係突然冰封。日前Juno公開指摘謝安琪將未推出的新歌《三生一吻》曝光，其後，有報道更指謝安琪取消關注Juno的Ig，雖然謝安琪事後指社交賬戶由幻國團隊代為處理，但有網民卻發現，今年9月底謝安琪已開設新Ig賬號大賣清新、健康生活形象，猜測謝安琪為日後自組山頭而鋪路。
《蘋果》昨日致電向幻國了解，問到謝安琪被纖體廣告被飛一事，發言人以短訊回覆：「因疫情以及種種原因，在雙方有共識下，是次合作終止。」至於謝安琪開新Ig賬戶，發言人表示公司從不插手或管理藝人的個人Ig，因此不予置評。
現年43歲的謝安琪入行以來不時出現合作糾紛，2006年她加盟環球旗下的新藝寶，至2012年其經理人夏森美因與環球唱片高層不和，向環球提出解約，更寧願賠償近400萬元為謝安琪贖身，拉鋸多時後達成協議和平分手，2016年謝安琪又與夏森美終止合作。
