區議員月薪接近34,000元，在旁人眼中理應生活無憂，甚至視為筍工。今年區議員的營運開支卻遭民政事務總署以各種方式拖延多月，發還無期。為繼續履行職責，有議員要向家人尋求財政資助，甚至與民政對簿公堂索償。有區議員本來為全身服務社區放棄高薪厚職，上任後卻面臨貼錢返工的困境，恐要另覓兼職幫補。
區議員每月獲最高44,816元營運開支，用作執行區議員職務，以實報實銷方式申領。今年6月及7月，不少泛民區議員借出辦事處作反國安法的「罷工罷課公投」票站，以及立法會初選票站。民政直指有關活動屬「與區議會無關的職務」，並藉此扣起有關月份整月的營運開支，一直未有發還。
屯門區議員盧俊宇的辦事處是票站之一，涉事兩個月的營運開支發還無期。直到上月，他入稟小額錢債審裁處，向民政總署追討69,215元職員薪金。
盧俊宇解釋，電費開支橫跨5至7月，民政總署也不放過，更遑論辦事處租金、議助薪金等開支，涉款約13萬元。屢次與民政交涉不果，只好訴諸法庭，「希望法庭判決可以令民政知道唔可以無理地扣留營運開支，希望成為先例，畀到阻嚇力民政」。不過，小額錢債審裁處最高申索金額只有70,000元，意味即使追回欠款，亦要自掏荷包補貼60,000元。
案件於明年2月26日審訊，他認為情況樂觀，「佢如果要質疑嗰三日（辦事處用途），咪按比例扣返嗰三日囉，無可能無了期扣留剩返嘅日子，民政事務總署係完全不能解釋！」
成為區議員之前，盧俊宇在銀行界工作十多年，雖然薄有積蓄，但仍要向家人尋求財政支援，「都幾唔理想，我哋都係想服務社區，但要動員到屋企人幫手，佢哋都擔心」。他一度憂慮若日後的營運開支都未能報銷，或要按揭物業。
曾於銀行法規部門工作，做事依足規矩的盧俊宇轟民政做法霸道，為求打壓異見，肆意僭建規則，例如要他們遞交額外聲明書，證明一切辦事處職員開支與借出作票站日子無關，並要附上職員更表作證明，「批核嘅時候係咪堅持統一原則，定係為咗唔批而製造更多原則？今時今日，為咗阻撓我哋Claim錢，就可以製造好多新嘅嘢出嚟」。他已計劃將每月薪金預留一部份作流動資金，應付突發開支。
經過今次「教訓」，他認為日後活動主辦團體會減少給予區議員的壓力，但他不會刻意避諱。若來年仍有立法會選舉，會否再次借出辦事處作初選？「仍然開放。」盧俊宇肯定地說。
中西區區議員任嘉兒亦是被民政拖欠營運開支的苦主。任所屬的大學選區位於半山，舖租高昂，幾經辛苦終有業主願意特價出租地舖舖位予她，但租金仍比屋邨議辦高好幾倍。民政處拖欠開支的情況自然對她造成更大影響。
上任之初，她為了議辦的設施、裝修等初期開支，就要先行墊支十多萬元，但政府遲遲未有發還。「追咗佢好幾次，好幾次同佢講真係唔得喇，要破產㗎喇再係咁樣。」交涉了差不多半年，這筆開支才逐點獲發還。
至6月，任嘉兒的議辦同樣借出作公投票站，民政一直拖欠整個月份的經常開支，連同其他同時遞交的宣傳開支，總數約70,000元。上任11個月，任嘉兒總共有超過10萬元預先墊支的開支未取回款項。
今屆的眾多區會新丁中，不乏全職區議員。任嘉兒就在區選前辭去公立醫院護士工作，全身投入社區，「我好少少啦，做過幾年嘢儲到少少錢，可以墊支出嚟……其他再後生啲嘅區議員，冇出嚟做過嘢，無啦啦要墊住咁多錢真係好艱難」。自上任起銀行戶口就不斷縮水，「好多人會話『區議員有酬金㗎』，但基本上啲酬金就係用嚟交租同出糧」。若拖欠的情況持續，任嘉兒計劃出外找其他工作，幫補生活。
記者問：「𠵱家同做義工冇分別？」她答：「好少少嘅……」任嘉兒遲疑半刻繼續說：「都唔知係咪叫好少少，好似差咗㖭。義工係我隨心去做；𠵱家係由心想去做，但係有好多唔同嘅掣肘。」
剛剛大學畢業的中西區區議員梁晃維亦遇到開支申領問題，民政處拒絕發還他絕大部份政治議題相關的宣傳品製作費，無論反國安法橫額、抑或反國歌法傳單，統統倒錢落海，總數已達過萬元。他深感荒謬：「我哋表達呢啲政治立場，某程度上都係選民嘅期望，佢哋有權去享用呢啲公共資源……唔畀我哋claim返錢，係剝奪咗選民權利。」
但梁晃維不打算因為政府打壓而避重就輕，會繼續以區議員身份，將政治議題帶入社區，即使這意味着追不回的開支將越碌越大，「區議會已經係𠵱家香港最民主嘅選舉，如果連我哋都唔願意企硬立場，大家就喪失晒所有民意代表發聲嘅平台」。月中他就辦街站，派發反對明日大嶼的傳單。
有區議員為求工作報告通過郵政局審查成功入屋，將內容改得體無完膚，梁晃維無妥協想法，打算用網上版或在街頭派發代替，「批評警察執法唔得、批評政府防疫工作不力又唔得，呢份係咪居民希望收到嘅工作報告？當你退咗條線一次，你仲可唔可以上返前面呢？」
與梁晃維一樣，盧俊宇的卡片、工作報告、橫額等宣傳品幾乎都未能通過民政的審查門檻，卡片上一句「為社區搏盡」的口號也被質疑涉政治宣傳，議助卡片「香港人加油」口號亦被指超出區議會職能，盧俊宇最終決定自行印刷。追不回的開支就如萬丈深淵，恐怕三年任期未完，就有大批議員債台高築。