【本報訊】政府強制所有餐飲業務及表列處所安裝「安心出行」應用程式，特首林鄭月娥預告，稍後將要求進入處所的市民透過安心出行記錄行蹤，還稱市民仍可「自願」選擇是否進入有關處所。
林鄭說：「我必須強調安心出行無論再加上乜嘢要求都係自願性嘅，就算你話有啲處所一定要用呢個安心出行，要掃描QR code先可以進內，都係自願嘅，你可以自願去或唔去某啲場所。」
港人無端端又被自願，引來熱議。健身搏擊運動業界大聯盟召集人柯尊鼎揶揄所謂的「自願」是「中國式選擇」：「即係冇得揀啦？我唔裝（安心出行）就唔可以嚟，香港政府都幾寬宏喎，咁都叫有得揀？呢個係中國式選擇，即係冇得選擇！」
網民亦嘲諷說：「全部自願㗎，不過唔doo（嘟）無得食飯、入商場、去診所醫院，可自願選擇自給自足」、「第日唔願意嘅就只有食自己」。
林鄭口說自願，現實是剝削人權。一直協助露宿者的香港社區組織協會社區組織幹事吳衛東指出，無家者大多使用2G電話，變相日後亦不能使用安心出行，他憂慮措施會製造階級觀念，「如果一班工友晏晝去食飯，你話唔食，買外賣喺門口食就得，但同事可能睇唔起你，會造成階級觀念」。他亦憂慮，即使無家者選擇外賣，但仍有需要步入餐廳點餐，「你入唔到去，點買外賣？」
在昨日的記者會上，食衞局長陳肇始亦被追問沒有智能電話的人士如何記錄行蹤，她沒有正面回應，僅稱現階段靠市民自律掃二維碼。