米蘭雙雄繼續發威！榜首嘅AC米蘭喺周日意甲憑住伊巴謙莫域梅開二度，加上贊斯侯治補時嘅入波，以3:1輕取最後只得10人應戰嘅拿玻里，10年嚟首次喺聯賽作客那不勒斯贏波。不過，伊巴就因為拉傷左腿肌肉喺79分鐘被迫退下火線。至於對住拖連奴一度落後0:2嘅國際米蘭，就靠盧卡古挺身而出，交出2入球2助攻，主場反勝4:2全取3分。