黃日華（華哥）和苗僑偉（三哥）日前接受節目訪問，華哥自言因為自己「又蠢又笨」，找到鍾意的人便不會放手，三哥大爆華哥當初識到梁潔華時，會重色輕友不見人，華哥就回想當年拍拖，開工等埋位會煲電話粥，又會摺紙冧梁潔華。
華哥太太梁潔華在今年5月不敵癌魔病逝，華哥直言是一生中最難忘情景，他忍不住流下男兒淚說：「人生係經歷生老病死，係要接受，但緣份完結，冇可能追返，但感情係長存，呢幾個月多得有三哥陪渡難關。」華哥又直言女兒黃芷晴是上天送給他最好的禮物。三哥談到在外國生活的子女，被問會否介意囡囡經常在社交網放性感照，他笑言：「記者問我嬲唔嬲？做乜嬲，你未見過咩，𠵱家唔着，60歲着呀？唔驚個女俾人呃，佢唔呃人都偷笑。」
