辭任議會對民主派而言，係一章終結，亦係新章開端，未來續作戰，糧彈要充足。喺7.21元朗白衣人恐襲事件中，由原告變被告嘅民主黨林卓廷，無論有冇立會議員身份，都表明繼續追究警黑勾結。最新佢仲登陸Patreon，透過文章短片，繼續與大家同行。
八方問過阿廷，佢話開Patreon都係以戰養戰，事關未來要繼續加強香港同海外論述、延續新東地區工作，唔係佢一人之力可承擔，要靠同佢並肩作戰多年嘅好同事，分工合作。所以佢好希望盡量留住呢班年輕、有理想、肯承擔、敢於抗爭嘅好手足，維持團隊成員，以便長期抗爭。
佢個人都孭緊七單刑事同民事官司，雖然部份有基金支持，但訟費壓力都好沉重，佢亦需要同事協助搜集同整理證據，呢啲一切都要資源。當然佢亦想keep住有個平台，同大家針砭時弊，唔畀政府隨意改寫歷史。佢希望大家可以登記成為佢Patreon用戶，集腋成裘，中大畢業嘅佢表明自必「無負重託，艱險奮進」。
林卓廷的Patreon網頁係：https://www.patreon.com/cheuktinglam，關心同支持佢嘅市民可以去睇睇。
李八方